Fréttir

Á Menningarnótt mun Framtíðarlandið standa fyrir sýningu á ljósmyndum af Náttúrukortinu (www.natturukortid.is).

Sýningin verður með þeim hætti að myndunum verður varpað á gafl hússins að Skólavörðustíg 1. Mun hún hefjast þegar birtan leyfir og standa fram eftir kvöldi.

Ljósmyndirnar eru af stöðum á Íslandi sem fyrirhugað er að nýta til orkuframleiðslu eða raska á annan hátt. Á Náttúrukortssíðunni eru margar ljósmyndir af þessum stöðum og verður úrval þeirra sýnt á gaflinum. Ennfremur mun nafnspjöldum með upplýsingum um kortið verða dreift.